भदौ, २५ काठमाडौँ । शिक्षक सेवा आयोगले १३ हजार भन्दा बढी एक वर्षमै शिक्षकलाई स्थायी नियुक्तिका लागि सिफारिस गरेको छ । आयोगले प्राथमिक तह तृतीय श्रेणी, निम्नमाध्यमिक र माध्यमिक गरेर तीन तहका लागि १३ हजार ४९४ जनालाई गत आर्थिक वर्ष २०७९/८० मा स्थायी शिक्षक नियुक्तका लागि सिफारिस गरेको हो ।
शिक्षा, विज्ञान तथा प्रविधि मन्त्रालयले सार्वजनिक गरेको आर्थिक वर्ष २०७९/८० को वार्षिक प्रगति प्रतिवेदन अनुसार आयोगले १३ हजार ४९४ जना शिक्षकलाई सिफारिस गरेको हो । शिक्षा तथा मानव स्रोत विकास केन्द्रले शिक्षक पदको खुला प्रतियोगिताका लागि माध्यमिक तर्फ १ हजार १८२ जना शिक्षकलाई स्थायी नियुक्तिका लागि सिफारिस गरेको हो ।
त्यसैगरी १ हजार ९५९ जना शिक्षकलाई निम्नमाध्यमिक बिधालय र १० हजार ३५३ जना शिक्षकलाई प्राथमिक बिधालय तहमा स्थायी शिक्षक नियुक्तिका लागि केन्द्रलाई सिफारिस गरेको हो । त्यस्तै आयोगले गत वर्ष ३ हजार २९० जना शिक्षकहरूको कार्यसम्पादन मूल्यांकनका आधारमा बढुवा गरेको थियो ।
आयोगले गएको वर्षमा नै ९ हजार ७६५ शिक्षक पदको लागि विज्ञापन समेत प्रकाशन गरेर सामान्य परीक्षाको नतिजा समेत प्रकाशन गरेको थियो । ति उम्मेद्वारहरूको चालु आर्थिक वर्षमा समेत छनौटको प्रकृया चलिरहेको छ
प्रतिक्रिया दिनुहोस्